(વર્તમાન પ્રવાહ ન્યુઝ નેટવર્ક)
પારડી, તા.15: પારડી નગરપાલિકા દ્વારા હવે દરરવિવારે સતત 8 રવિવાર સુધી સ્વચ્છતા અભિયાન આજથી હાથ ધરવામાં આવ્યું છે. આ અભિયાન થકી પારડીના જુદા જુદા વિસ્તારોમાં સફાઈ હાથ ધરવામાં આવશે. પારડી નગરપાલિકાના વહીવટદાર આર. આર. ચૌધરી, ચીફ ઓફિસર ભાવસારના માર્ગદર્શન હેઠળ આજરોજ આરોગ્ય વિભાગના તમામ કર્મચારીઓ પારડી બસ ડેપો પાસે ભેગા થયા હતા અને સર્વપ્રથમ બસ ડેપોની સફાઈ કરી હતી. બસ ડેપો પર પરિસર એકત્રિત થયેલ કચરાનો નિકાલ તાત્કાલિક કર્યો હતો. ચીફ ઓફિસરના જણાવ્યા મુજબ દર રવિવારે સતત આઠ રવિવાર સુધી સફાઈ અભિયાન હાથ ધરવામાં આવશે. આજરોજ બસ ડેપોની સફાઈ કરવામાં આવી છે. સર્વિસ રોડથી ચાર રસ્તા સુધી સફાઈ કરીને કચરાનો નિકાલ કરવામાં આવ્યો છે. આમ સ્વચ્છ પારડી રહે, સુંદર પારડી રહે એવા શુભ હેતુથી સતત આઠ રવિવાર સુધી સફાઈ અભિયાન ચાલશે જેનાથી કચરાનો નિકાલ થશે અને સ્વચ્છતા જળવાઈ રહેશે અને લોકોનો આરોગ્ય પણ સારું રહેશે.
