(વર્તમાન પ્રવાહ વાપી બ્યુરો)
વાપી, તા.15: વાપી વી.આઈ.એ. ગ્રાઉન્ડમાં શનિવારે રાત્રે ભવ્ય પ્રિ-નવરાત્રીનું આયોજન કરવામાં આવ્યું હતું.જેમાં ખ્યાતનામ ગરબા ક્વીન ફાલ્ગુની પાઠકની ખાસ ઉપસ્થિતિને લઈ આયોજનના ચારચાંદ લાગી ગયા હતા.
નવરાત્રી એ ગુજરાતની ઓળખ છે. નવરાત્રીમાં ગુજરાતીઓ ઉમંગ ઉત્સાહથી ભાગ લેતા હોય છે. વાપી વી.આઈ.એ. ગ્રાઉન્ડમાં પ્રિ-નવરાત્રીનું શનિવારના રોજ ખાનગી આયોજન કરવામાં આવ્યું હતું. આ પ્રિ-નવરાત્રીનું મુખ્ય આકર્ષણ અને નજરાણું જાણીતા ગરબા ક્વીન ફાલ્ગુની પાઠકનું રહ્યું હતું. તેમના મધુર કંઠે ગરબાની રમઝટ જામી હતી. હજારો ખેલૈયાઓની વી.આઈ.એ. ગ્રાઉન્ડ ઉભરાઈ ગયું હતું. એક તરફ પ્રિ-નવરાત્રીનો નજારો અને લ્હાવો હતો. બીજી તરફ ભારત-પાકિસ્તાન મેચ ભારતે જીતી લીધેલી તેનો જીતની ઉજવણી પણ ગ્રાઉન્ડમાં જોવા મળી હતી. ટ્રેડીશન ડ્રેસમાં સજ્જ યુવા ધન ગ્રાઉન્ડમાં માઝમ રાત સુધી થીરકતું રહ્યું હતું. નવરાત્રીના પ્રારંભના આગલા દિવસે જ નવરાત્રીનો દબદબાપૂર્વકનો જલસો વાપી વાસીઓએ માણ્યો હતો.
