ટોયલેટ દ્વારા ફેલાતી ગંદકી અને સ્વચ્છતાની સીધી જવાબદારી દમણ ન.પા.ની બનતી હોવાનો પણ વ્યક્ત થતો મત
(વર્તમાન પ્રવાહ ન્યુઝ નેટવર્ક)
દમણ, તા.13
નાની દમણના છપલી શેરી ખાતે સ્કોટ-કાયશા દ્વારા નિર્મિત ટોયલેટ બોક્ષનો કબજો દમણ નગર પાલિકાને સુપ્રત કરાયેલ હોવાની સ્પષ્ટતા સ્ટેપ અપ ફાઉન્ડેશનના અધ્યક્ષ શ્રી વિશાલભાઈ ટંડેલે કરી છે.
છપલી શેરી ખાતે ટોયલેટનું નિર્માણ ત્યાંની જનતાની માંગણીના આધારે સ્ટેપ અપ ફાઉન્ડેશનના ઉપક્રમે સ્કોટ-કાયશા દ્વારા સીએસઆર કરાયેલ હોવાની જાણકારી પણ શ્રી વિશાલભાઈ ટંડેલે આપી છે.
દમણ નગર પાલિકા દ્વારા આ ટોયલેટના ઉપયોગ માટે ચાર્જ પણ વસૂલ કરાતો હોવાની જાણકારી આપવામાં આવી છે તેથી તેની મરામત અને રખેવાળીની જવાબદારી પણ પાલિકાની બનતી હોવાનો મત વ્યક્ત કરાયો છે.
