(વર્તમાન પ્રવાહ વાપી બ્યુરો)
વાપી, તા.23: વલસાડ શહેરમાં આજે સોમવારે દુઃખદ કરુણાંતિકાની ઘટના સર્જાઈ હતી. 13 વર્ષિય કિશોરીનું ડેન્ગ્યુની બિમારીમાં સારવાર દરમિયાન હોસ્પિટલમાં કરુણ મોત થતા શહેરમાં ગમગીની ફેલાઈ જવા પામી હતી.
વલસાડમાં રહેતી 13 વર્ષિય કેજરી કાપડીયા નામની કિશોરીનો ડેન્ગ્યુ રિપોર્ટ પોઝિટિવ આવ્યો હતો. તેથી કેજરીને કસ્તુરબા હોસ્પિટલમાં સારવાર માટે દાખલ કરાઈ હતી. પરંતુ કમનસીબે કિશોરી કેજરીનું હોસ્પિટલમાં બપોરે કરુણ મોત નિપજ્યું હતું. કિશોરીના મોતના સમાચાર સમગ્ર વિસ્તારમાં ગમગીની સાથે કરુણતાના દૃશ્ય સર્જાયા હતા. સેંકડો લોકો એકઠા થઈને બાળાને સસન્માન હોસ્પિટલમાંથી ઘરે લાવવામાં આવી હતી.
