શોટપૂટ અને 100 મીટર દોડમાં નસીમે હાંસલ કરેલો તૃતિય ક્રમઃ બંને ખેલાડીઓને મેડલ અને ટ્રોફી આપી કરાયા સન્માનિત
(વર્તમાન પ્રવાહ ન્યુઝ નેટવર્ક)
દમણ, તા.03 : રમત ગમત વિભાગ દમણ, દ્વારા જિલ્લા સ્તરીય આંતર શાળાઓની વિવિધ સ્પર્ધાઓનું આયોજન કરવામાં આવ્યું હતું. જેમાં જિલ્લા સ્તરીય એથ્લેટિક્સ 400 મીટર દોડ સ્પર્ધાનું પણ યોજવામાં આવી હતી. આ દોડ સ્પર્ધામાં સરકારી ઉચ્ચ પ્રાથમિક મોડલ સ્કૂલ નાની દમણના વિદ્યાર્થી રાજકુમાર લલ્લન પ્રથમ ક્રમે વિજેતા બન્યા હતા. આ ઉપરાંત અન્ય વિદ્યાર્થી નસીમે શોટપૂટ અને 100 મીટર દોડમાં ત્રીજો ક્રમ હાંસલ કર્યો હતો. બંને વિદ્યાર્થી રાજકુમાર લલ્લન અને નસીમને મેડલ અનેટ્રોફી આપી સન્માનિત કરાયા હતા. રમત ક્ષેત્રે શાળાનું નામ રોશન કરનાર વિદ્યાર્થીઓને શારીરિક શિક્ષણના શિક્ષક શ્રી મહલપ્પાએ માર્ગદર્શન પુરું પાડયું હતું.
શાળા તથા જિલ્લાનું નામ રોશન કરનાર બંને વિદ્યાર્થી અને તેમના માર્ગદર્શક શિક્ષકશ્રીને હેડ માસ્ટર શ્રી કિરીટભાઈએ અભિનંદન અને શુભેચ્છા આપી હતી.