(વર્તમાન પ્રવાહ ન્યુઝ નેટવર્ક)
ચીખલી(વંકાલ), તા.03: ચાર રાજ્યોના પરિણામમાં મધ્યપ્રદેશ, રાજસ્થાન અને છત્તીસગઢ સહિત ત્રણ રાજ્યોમાં ભાજપનો ભવ્ય વિજય થતા ચીખલી હાઈવે ચાર રસ્તા પાસે જિલ્લા ભાજપના મહામંત્રી ડો.અશ્વિનભાઈ, પૂર્વ જિલ્લા પંચાયત પ્રમુખ ડો.અમીતાબેન, ભાજપના પ્રમુખ મયંકભાઈ, સિંચાઈ અધ્યક્ષ નિકુંજભાઈ, તાલુકા પંચાયતના પ્રમુખ રાકેશભાઈ, ઉપપ્રમુખ રમેશભાઈ, પૂર્વ પ્રમુખ કલ્પનાબેન ગાવિત, પૂર્વ કારોબારી અધ્યક્ષ ધર્મેશભાઈ સહિતનાઓની ઉપસ્થિતિમાં કાર્યકરોએ ફટાકડા ફોડી મીઠાઈ વહેંચી ભાજપ જિદાબાદ નરેન્દ્રભાઈ મોદી જીંદાબાદના નારાથી વાતાવરણ ગુંજવી મૂકી ખુશી વ્યક્ત કરી હતી. વંકાલ ગામેજિલ્લાના કિસાન મોરચાના આઈટી સેલના કાર્યકારી સહ ઈન્ચાર્જ દીપકભાઈ સોલંકી દ્વારા પણ ફટાકડા ફોડી વિજયને વધાવ્યો હતો.
