(વર્તમાન પ્રવાહ વાપી બ્યુરો)
વાપી, તા.10: આજરોજ સિંધી સમાજનુ નવું વર્ષ એટલે કે ચેટીચાંદ શ્રી જુલેલાલ ભગવાનની 1075 મી જન્મ જયંતી સિંધી સમાજ દ્વારા ધામધૂમથી ઉજવવામાં આવી હતી. જેમાં સિંધી સમાજના મહારાજ જય કુમાર શર્મા પ્રમુખ કિશોરભાઈ મૂલચંદાણી ઉપપ્રમુખ શ્રી ખેમાણીભાઈ તેમજ સેક્રેટરી કમલેશભાઈ અચરા અને પ્રેમભાઈ દ્વારા વલસાડમાં ઘણી જગ્યાએ શરબતની તેમજ પ્રસાદી સેવા કરવામાં આવી હતી. સાંજે બહેરાણા સાહેબ બનાવી જ્યોત પ્રગટાવીને પૂજા ભજન કરી ડીજે સાથે વાજતે ગાજતે સરઘસ યાત્રા કરી ઔરંગા પર વિસર્જન કરી મહાપ્રસાદનું આયોજન કરવામાં આવ્યું હતું.
