(વર્તમાન પ્રવાહ ન્યુઝ નેટવર્ક)
સેલવાસ,તા.10: લોકસભા ચૂંટણી-2024ના ઉપલક્ષમાં દાદરા નગર હવેલી જિલ્લાના ચૂંટણી વિભાગની સ્વીપ ટીમ દ્વારા વ્યવસ્થિત મતદાન શિક્ષણ તથા મતદાર જાગૃતિ કાર્યક્રમ અંતર્ગત વિવિધ કાર્યક્રમોનું આયોજન કરવામાં આવી રહ્યું છે. જેના ક્રમમાં મતદારોની વધુમાં વધુ ભાગીદારી નોંધાઈ તે હેતુથી દાનહ ચૂંટણી વિભાગની સ્વીપ ટીમ દ્વારા સેલવાસ દમણગંગા રિવર ફ્રન્ટ ખાતે તા.12મી એપ્રિલના શુક્રવારે સાંજે 6:00 વાગ્યે એક રંગારંગ કાર્યક્રમ ‘ફન સ્વીપ ડીએનએચ-2024’નું ભવ્ય આયોજન કરવામાં આવશે. જેમાં અનેક રંગારંગ કાર્યક્રમો અંતર્ગતમ્યુઝિક, ડાન્સ, ગેમ્સ, નુક્કડ, નાટક, ફન એન્ડ ફિટનેશ સ્કિટની સાથે સાથે ખાણીપીણીના ફૂડ સ્ટોલ પણ લગાવવામાં આવી રહ્યા છે. આ ‘ફન સ્વીપ ડીએનએચ-2024′ કાર્યક્રમમાં લોકોને પરિવારની સાથે ઉપસ્થિત રહી ચૂંટણી વિષયક માહિતીઓ પ્રાપ્ત કરવા અને કાર્યક્રમનો ભરપુર લાભ ઉઠાવવા અનુરોધ કરાયો છે.
જિલ્લા ચૂંટણી અધિકારી શ્રી પ્રિયાંક કિશોર, ખાનવેલના નિવાસી નાયબ કલેક્ટર અને રિસ્પોન્સિબલ ઓફિસર શ્રી શુભાંકર પાઠક, તથા રિસ્પોન્સિબલ ઓફિસર અને સેલવાસ નગરપાલિકા ચીફ ઓફિસર શ્રી સંગ્રામ શિંદેના માર્ગદર્શનમાં સ્વીપ ટીમ દ્વારા ‘સ્વીપ’ પ્રવૃત્તિઓ અંતર્ગત કે.એલ.જે. પ્લાસ્ટીસાઈઝર્સ ઈન્ડસ્ટ્રીમાં આંબોલી અને ખેરડીના આંગણવાડીના કર્મચારીઓને આંબોલી પટેલપાડા સેન્ટર અને ડોકમરડીના આશા વર્કરો તથા દૂધની અને કૌંચાના આંગણવાડીના કર્મચારીઓને દૂધની ચોકીપાડા આંગણવાડી સેન્ટર પર મતદાન સંબંધી માહિતી આપતાં મતદાતા હેલ્પલાઈન, મતદાનના દિવસે લઈ જવાના મહત્ત્વના દસ્તાવેજો, મતદાન સંબંધિત માહિતી માટે 1950 અને 1077 દ્વારા આપવામાં આવનાર સેવાઓ, સી-વિજીલ એપ વગેરેની માહિતી આપવામાં આવી હતી.
