બ્રહ્મા કુમારીઝ ગીતા દીદીએ ઉમેશભાઈ પટેલનું શાલ ઓઢાડી સ્મૃતિ ચિહ્ન આપી કરેલું સન્માનઃ ઉજ્જવળ ભવિષ્યના આપેલા આશીર્વાદ
(વર્તમાન પ્રવાહ ન્યુઝ નેટવર્ક)
દીવ, તા.07 : લોકસભાની દમણ-દીવ બેઠક ઉપર અપક્ષ વિજેતા બનેલા નવનિયુક્ત સાંસદ શ્રી ઉમેશભાઈ પટેલે આજે દીવ ખાતે શિવબાબાના દર્શન કરી ઈશ્વરીય વિશ્વ વિદ્યાલય બ્રહ્મા કુમારીઝ કેન્દ્રની મુલાકાત કરી હતી. આ પ્રસંગે નવનિયુક્ત સાંસદ શ્રી ઉમેશભાઈ પટેલનું બ્રહ્માકુમારીઝ દ્વારા સાલ ઓઢાડી સ્મૃતિ ચિન્હ આપી સન્માન કરવામાં આવ્યું હતું. આ પ્રસંગે સાંસદશ્રી ઉમેશભાઈ પટેલે દીવ બ્રહ્માકુમારીઝ કેન્દ્રના મુખ્ય સંચાલિકા ગીતા દીદીના આશીર્વાદ લીધા હતા. ગીતા દીદીએ ઉમેશભાઈ પટેલને હૃદય અભિનંદન પાઠવી ઉજ્જવળ ભવિષ્યના આશીર્વાદ આપ્યા હતા.
