Vartman Pravah
Breaking Newsડિસ્ટ્રીકટસેલવાસ

સાંબેલાધાર વરસાદથી સેલવાસ જળબંબાકાર

(વર્તમાન પ્રવાહ ન્‍યુઝ નેટવર્ક)
દમણ,તા.19 : સંઘપ્રદેશ દાદરા નગર હવેલીમાં મંગળવારની મધ્‍યરાત્રિથી શરૂ થયેલો ભારે વરસાદ આજે બુધવારે રાત્રિના 9 વાગ્‍યા બાદ પણ અવિરત ચાલુ જ રહ્યો હતો. જેમાં છેલ્લા 24 કલાક દરમિયાન સેલવાસમાં ઇંચ વરસાદ વરસ્‍યો છે. ભારે વરસાદમાં પણ ખેડૂતોએ ડાંગરની રોપણી આરંભી દીધી છે. આ તરફ ભારે વરસાદના કારણે સેલવાસના કેટલાક રહેણાંક તથા ઔદ્યોગિક વિસ્‍તારમાં પાણી ભરાવાના કારણે વાહનચાલકો તથા રોજીંદા કામ-ધંધાર્થે કંપનીઓમાં અવર-જવર કરનારા લોકોને ભારે મુશ્‍કેલીઓનો સામનો કરવા પડયો હતો. ધોધમાર વરસાદથી ચાલીઓમાં, રૂમોમાં રહેતા લોકોના ઘરોમાં તથા દુકાનોમાં પાણીનો ભરાવો થયો હતો.
ઉપરાંત સેલવાસથી સામરવરણી બ્રિજના સર્વિસ રોડ અને રીંગરોડ પર પાણી ભરાઈ જવાને કારણે વાહનચાલકોને પારાવારમુશ્‍કેલીઓનો સામનો કરવા પડયો હતો.
24 કલાક દરમિયાન સેલવાસમાં 97.0 એમએમ = ચાર ઇંચ વરસાદ વરસ્‍યો હતો. જ્‍યારે ખાનવેલમાં 38.6 એમએમ = દોઢ ઇંચ વરસાદ વરસ્‍યો હતો અને સિઝનનો કુલ વરસાદ સેલવાસમાં 1309 એમએમ= 51.56 ઇંચ અને ખાનવેલમાં 1047.6 એમએમ= 41.25 ઇંચ વરસી ચુક્‍યો છે. સંઘપ્રદેશ સહિત દક્ષિણ ગુજરાતના જીવાદોરી સમાન મધુબન ડેમની સપાટી 70.45 મીટર નોંધાઈ છે. ડેમમાં પાણીની આવક 6452 ક્‍યુસેક અને પાણીની જાવક 6924 ક્‍યુસેક નોંધાવા પામી છે. રાષ્‍ટ્રીય હવામાન વિભાગ દ્વારા ભારેથી અતિ ભારે વરસાદ પડવાની આગાહી કરવામાં આવી છે. જેથી લોકોને ખાસ જરૂર નહીં હોય તો ઘરની બહાર નહીં નિકળવા પ્રશાસન દ્વારા સૂચના આપવામાં આવી છે.

Related posts

આઇ.સી.ડી.એસ. વલસાડના ઘટક-૧ ના ભદેલી જગાલાલા સેજામાં રોટરી કલબ ઓફ વલસાડ તરફથી ૩૫ સર્ગભા માતાઓને પોષણકીટનું વિતરણ કરાયું

vartmanpravah

ઉમરગામની વાડીયા હાઈસ્‍કૂલની ધો.10ની બે વિદ્યાર્થિની અકસ્‍માતનો ભોગ બની, પરીક્ષા સ્‍ટાફ ખડેપગે સેવામાં રહી બંનેને હિંમતભેર પરીક્ષા અપાવી

vartmanpravah

વાપી ગોદાલનગર ખાતે એપેક્‍સ મેટરનિટી અને ચિલ્‍ડ્રન હોસ્‍પિટલનું કરવામાં આવેલું ઉદ્‌ઘાટન

vartmanpravah

દમણમાં આડેધડ દારૂ-બિયર વેચતા વાઈનશોપ અને બાર રેસ્‍ટોરન્‍ટો સામે તવાઈની શરૂઆત

vartmanpravah

ભીમપોર પટેલ ફળિયા સ્‍થિત જલારામ મંદિરમાં 36મી શ્રી જલારામ જયંતિની કરાયેલી ઉજવણી

vartmanpravah

વલસાડ જિલ્લા માર્ગ સલામતી સમિતિની બેઠક તા.18મી ડિસેમ્‍બરે યોજાશે

vartmanpravah

Leave a Comment