(વર્તમાન પ્રવાહ ન્યુઝ નેટવર્ક)
દીવ, તા.21: સમગ્ર શિક્ષા અને શિક્ષણ વિભાગ દીવ દ્વારા જિલ્લા કક્ષાએ કલા ઉત્સવ 2024-25 નો કાર્યક્રમ યોજાયો હતો, જેમાં વિવિધ સ્પર્ધામાં પ્રથમ ક્રમાંક પ્રાપ્ત કરનાર વિદ્યાર્થીઓ યુ.ટી. કક્ષાએ તારીખ 22 અને 23 નવેમ્બરના રોજ દાદરા નગર અને દમણ એન્ડ દીવ ત્રણેય જિલ્લાઓના વિદ્યાર્થીઓ સાથે સ્પર્ધામાં ભાગ લેશે. જેમાં નાટક, વોકલ ફોક. કલાસિકલ ઈન્સ્ટુમેન્ટલ, કલાસિકલ ડાન્સ તેમજ 3ડી વિઝુઅલ આર્ટ જેવી સ્પર્ધાઓ શામેલ છે. જેમાં આજરોજ દીવ જિલ્લાના કુલ 10 વિદ્યાર્થીઓ અને 3 શિક્ષકો પૈકી શ્રી જીજ્ઞેશ તિલાવત, શ્રીમતી તસ્લીમા શેખ, શ્રીમતી મિત્રા સોલંકી અને સર્વશિક્ષા વિભાગના ટુર કોર્ડિનેટર શ્રી માનસીન બામણીયા જવા માટે રવાના થયા.
દીવ જિલ્લા શિક્ષણાધિકારી શ્રી અરવિંદ સોલંકી, દિવ્યેશ જેઠવા, વિજય બામણિયા તથા શિક્ષકશ્રીઓએ શુભેચ્છા સાથે યુટી લેવલે સિલ્વાસ જવા માટે રવાના કર્યા.
સેલવાસ ખાતેયુટી લેવલે પ્રથમ સ્થાન પ્રાપ્ત કરનાર વિદ્યાર્થીઓ નેશનલ લેવલે કલા ઉત્સવ કાર્યક્રમમાં ભાગ લેશે.
