(વર્તમાન પ્રવાહ ન્યુઝ નેટવર્ક)
સેલવાસ/દમણ, તા.11
દમણમાં કોરોનાના બે પોઝિટિવ કેસ મળી આવતાં તહેવારની મોસમમાં ચિંતાનું કિરણ દેખાવા માંડયું છે. આજે દમણમાં 73 નમૂનાઓ લેવામાં આવ્યા હતા. જેમાંથી 02 કેસો કોરોના પોઝિટિવ નોંધાયા છે. હાલમાં દમણમાં 03 કેસો સક્રિય છે. જ્યારે અત્યાર સુધીમાં 3511 લોકો રિકવર થઈ ચૂક્યા છે અને અત્યાર સુધીમાં 01નું મૃત્યુ થયેલ છે.
દમણમાં હાલ નવા બે કન્ટેન્ટમેન્ટ ઝોન (1) ભગુભાઈની ચાલ, ભૂપેન્દ્ર નગરની પાસે ડાભેલ, નાની દમણ અને (ર) મહેશભાઈની ચાલ, કચીગામ ચાર રસ્તા, નાની દમણને જાહેર કરવામાં આવ્યા છે.
જ્યારે દાનહમાં નવો એકપણ કોરોના પોઝિટિવ કેસ નોંધાયો નથી. જિલ્લામાં હાલમા 01 સક્રિય કેસ છે, અત્યાર સુધીમા 5909 કેસ રીકવર થઈ ચુકયા છે, ત્રણ વ્યક્તિના મોત થયેલ છે. જિલ્લામાં આરટીપીસીઆરના 57 નમૂનાઓ લેવામા આવ્યા હતા અને રેપિડ એન્ટિજન 61 નમૂના લેવામા આવ્યા હતા જેમાંથી એકપણ રિપોર્ટ કોરોના પોઝિટિવ આવ્યો નથી.
