(વર્તમાન પ્રવાહ ન્યુઝ નેટવર્ક)
પારડી,તા.15
દમણ તથા વાપી જેવા ઔદ્યોગિક વિસ્તારમાં આવેલ અનેક કંપનીઓમાં પારડી, અતુલ, વલસાડ તથા આજુબાજુના વિસ્તારોમાંથી અનેક લોકો નોકરી કરતા હોય કંપની તરફથી તેઓને પોતાના વિસ્તારમાંથી કંપનીમાં લાવવા-લઈ જવાની સગવડ કરવામાં આવે છે.
આવી જ એક મીની બસ નંબર ડીડી 03 એચ 9398 કંપનીના કામદારોને લઈ જઈ રહી હતી તે દરમિયાન પારડી મેઈન ઓવરબ્રિજ પરથી પસાર વખતે અચાનક પાછળથી ડાબી સાઈડનું ટાયર ચાલુ બસે નીકળી ગયું હતું. જોકે સદનસીબે કોઈ જાનહાની થઈ ન હતી. પારડી પોલીસને આ અંગેની જાણ થતાં પોલીસ સ્ટાફ ઓવરબ્રિજ પર પહોંચી ટ્રાફીક હળવો કર્યો હતો.
