-
મોટી દમણના ગવર્નમેન્ટ હાઉસમાં અનેક મહત્ત્વના મુદ્દા ઉપર મસલત
(વર્તમાન પ્રવાહ ન્યુઝ નેટવર્ક)
દમણ, તા.30
આજે વાપીમાં આયોજીત કાર્યક્રમમાં ઉપસ્થિત રહેવા આવેલા ગુજરાત રાજ્યના મુખ્યમંત્રી શ્રી ભુપેન્દ્ર પટેલે સંઘપ્રદેશના પ્રશાસક શ્રી પ્રફુલભાઈ પટેલની મોટી દમણના ગવર્નમેન્ટ હાઉસમાં શુભેચ્છા મુલાકાત લીધી હતી.
સંઘપ્રદેશના પ્રશાસક શ્રી પ્રફુલભાઈ પટેલ અને ગુજરાતના મુખ્યમંત્રી શ્રી ભુપેન્દ્રભાઈ પટેલે અનેક મહત્ત્વપૂર્ણ મુદ્દા ઉપર મસલત કરી હતી.
મુખ્યમંત્રી શ્રી ભુપેન્દ્રભાઈ પટેલની સાથે ગુજરાતના નાણાંમંત્રી શ્રી કનુભાઈ દેસાઈ, આરોગ્ય અને પરિવાર કલ્યાણ મંત્રી શ્રી ઋષિકેશભાઈ પટેલ સહિત અન્ય આગેવાનો પણ ઉપસ્થિત રહ્યા હતા.
