પ્રથમ નજરે કોઈ મધ્યમ વર્ગીય યુવાન હોવાની આશંકા : ત્રણથી ચાર દિવસ પહેલા અહીં મારામારી થઈ હોવાની લોક ચર્ચા
(વર્તમાન પ્રવાહ ન્યુઝ નેટવર્ક)
પારડી, તા.05
આજરોજ પારડી પોલીસ સ્ટેશન તથા કોર્ટની વચ્ચે આવેલા રેન બસેરા પિક અપ બસ સ્ટેન્ડની પાછળ ના ભાગે આશરે 30 થી 40 વર્ષીય યુવાનની ચારથી વધુ દિવસ પહેલા શંકાસ્પદ મર્ડર કરેલી લાશ મળી આવતા સમગ્ર નગરમાં અનેક તર્ક-વિતર્ક થઈ રહ્યા છે. પ્રાથમિક રીતે જોતા આ યુવાન પેન્ટ અને શર્ટ પહેરેલ હોય હાથમાં પીળા કલરનો રબરનો બેલ્ટ તથા હાથ પર સુભના નામનું ટેટુ ચિતરાવેલ છે
ઘટનાની જાણ થતાં પારડી પોલીસ સ્ટેશનના સીનીયર પી એસ.આઈ. કે.એલ.બેરિયા પોતાના સ્ટાફ સાથે પહોંચી તાત્કાલિક એફ.એસ.એલ.ની ટિમને બોલાવી આ શંકાસ્પદ લાશને પ્રાથમિક તપાસ બાદ પી.એમ.કરાવવા મોકલી આપી હતી. વધુ જાણકારીપી.એમ.રિપોર્ટ આવ્યા બાદ ખબર પડશે ખરેખર મર્ડર છે કે નહીં.
