તા.7મી મે ના રોજ પોલીસ વિભાગ ફરજ પર હોય તેથી તેઓ મતદાન ના કરી શકે તેથી મતદાનનું આયોજન કરાયું
(વર્તમાન પ્રવાહ વાપી બ્યુરો)
વાપી, તા.30: આગામી તા.7 મે ના રોજ વલસાડ-ડાંગ લોકસભા બેઠક માટે ચૂંટણી મતદાન યોજાનાર છે. પરંતુ પોલીસ-ફોરેસ્ટ વિભાગ તે દિવસે ફરજ ઉપર હોય છે. તેથી તેઓ મતદાનથી વંચિત ના રહી જાય તે માટે આજે મંગળવારે જિલ્લા ચૂંટણી અધિકારીની રાહબરીમાં પોલીસ વિભાગના કર્મચારીઓનું બેલેટ પેપર મતદાન યોજાયું હતું.
વલસાડ અબ્રામા પોલીસ હેડ ક્વાટર્સ સહિત પાંચેય વિધાનસભા મતદાર વિસ્તારના પાંચ ફેસેલિટી સેન્ટરમાં મંગળવારે બેલેટ પેપર મતદાન યોજાયું હતું. પોલીસ જવાનો જી.આર.ડી. અધિકારીઓ, ફોરેસ્ટ વિભાગના કર્મચારીઓ તા.7મી મે મતદાનના દિવસે ચૂંટણી ફરજ પર હશે. તેથી તેઓ મતદાનથી વંચિત ના રહી જાય તે માટે જિલ્લા કલેક્ટર ચૂંટણી અધિકારી દ્વારા આજે બેલેટ પેપર મતદાન યોજાયું હતું. જિલ્લામાં તેવા કુલ 1122 મતદારો છે. તેઓએ મતદાન કર્યું હતું. તદ્દઉપરાંત જેઓ ગેરહાજર છે તેમને ઘરે ઘરે જઈ મતદાન કરાવ્યું હતું. મતદાન એ લોકશાહીનું પર્વ છે તેથી દરેક નાગરિકે મતદાન કરવું જોઈએ એન્યાયે પોલીસ વિભાગે પણ આજે મતદાન કર્યું હતું.
