(વર્તમાન પ્રવાહ વાપીબ્યુરો)
વાપી, તા.05: લાયન્સ ક્લબ ઈન્ટરનેશનલના ડિસ્ટ્રીક્ટ 3232એફ2 પૈકી વાપી વિસ્તારમાં આવેલ રીજીયન-6 અંતર્ગત આવેલ 12 ક્લબો દ્વારા ચણોદમાં આવેલ અથર્વ પબ્લિક સ્કૂલ તથા નિલકંઠ સોસાયટીની આજુબાજુના વિસ્તારમાં અલગ અલગ પ્રકારના 600 જેટલા વૃક્ષોનું વૃક્ષારોપણ કરવામાં આવેલ. વાપી એ કેમિકલ ઝોન તરીકે જાણીતો છે જેથી આવા વૃક્ષારોપણથી આ વિસ્તારમાં પર્યાવરણથી ખૂબ જ ફાયદો થશે. આ સમયે નિલકંઠ સોસાયટીમાં રહેતા રો-હાઉસના સભ્યો તથા અથર્વ પબ્લિક સ્કૂલ સંયુક્ત રીતે આ તમામ રોપાઓની કાળજી તથા ઉછેરની સ્વેચ્છાએ જવાબદારી સ્વીકારી એક માનવતાનું ઉત્તમ ઉદાહરણ પુરૂં પાડેલ છે.
આ તમામ રોપાઓનું આર્થિક યોગદા લાયન્સ ડિસ્ટ્રીક્ટ 3232એફ2ના જીએસટી કો-ઓર્ડિનેટર લા. દેવેન્દ્ર મિષાીએ આપેલ અને આ કાર્યક્રમનું આયોજન રીજીયન ચેરમેન લા. પિનાકીન મિષાી તથા તેમના ઝોન ચેરમેન લા. સંજીવ બોરસે (ઝોન-1), લા. જયંતિલાલ શાહ (ઝોન-2) તથા લા. ઉમાબેન પરીખ (ઝોન-3). લાયન્સ ક્લબ ઓફ વાપી, લાયન્સ ક્લબ ઓફ વાપી ઈન્ટીગ્રેટેડ, લાયન્સ ક્બલ ઓફ વાપી ગ્રેટર, લાયન્સ ક્લબ ઓફ વાપી ઉદ્યોગનગર, લાયન્સ ક્લબ ઓફ વાપી ઔરા, લાયન્સ ક્લબ ઓફ વાપી ઈલાઈટ, લાયન્સ ક્લબ ઓફ વાપી યુથ, લાયન્સ ક્લબ ઓફ વાપી તેજશીખા, લાયન્સ ક્લબ ઓફ વાપીનાઈસ, લાયન્સ ક્લબ ઓફ સેલવાસા, લાયન્સ ક્લબ ઓફ સરીગામ ભીલાડ, લાયન્સ ક્લબ ઓફ વાપી આલ્ફા આ તમામ ક્લબોના પ્રમુખ, મંત્રી સહિત ક્લબના સભ્યોએ ઉપસ્થિત રહી માનવતા ભર્યા કાર્ય બદલ લાયન્સ ક્લબ ઈન્ટરનેશનલના ડિસ્ટ્રીક્ટ 3232એફ2ના ગવર્નર લાય. મુકેશભાઈ પટેલ હાજર રહી તમામ સભ્યોને આવા માનવતા ભર્યા કાર્ય બદલ બિરદાવવામાં આવ્યા હતા. આ કાર્યક્રમની આભારવિધી લાયન્સ ક્લબના લા. લીનાબેન બોરસેએ કરી હતી.