ચાલક આકાશ રહે.લવાછા સેલવાસથી ટેમ્પામાં પ્લા. દાણાની આડમાં દારૂ ભરી નવસારી લઈ જઈ રહ્યો હતો
(વર્તમાન પ્રવાહ વાપી બ્યુરો)
વાપી, તા.04
વાપી નજીક દાદરા ચેકપોસ્ટ પાસે ડુંગરા પોલીસે બુધવારે સાંજે સેલવાસથી નવસારી લઈ જવાતો દારૂનો જથ્થો ભરેલ ટાટા ટેમ્પોને ઝડપી પાડી ચાલકની અટક કરી હતી.
પ્રાપ્ત વિગતો મુજબ ડુંગરા પોલીસને મળેલી બાતમી આધારે દાદરા ચેકપોસ્ટ નજીક વોચ ગોઠવી હતી તે દરમિયાન સેલવાસથી આવી રહેલ ટેમ્પોનં.ડીએન 09 આર 9713 ને અટકાવી ચેકીંગ હાથ ધર્યું હતું. જેમાં ટેમ્પોમાં પ્લાસ્ટીક દાણાની આડમાં દારૂનો જથ્થો બોટલ નંગ 2628 મળી આવ્યો હતો. પોલીસે ચાલક આકાશની અટક કરી પૂછતાછ કરતા તેણે જણાવ્યું હતું કે, પીપરીયાથી હર્ષ અજીત મિશ્રાએ દારૂ ભરાવ્યો હતો જે નવસારી પહોંચાડવાનો હતો. પોલીસે રૂા.4.17 લાખનો દારૂનો જથ્થો મુદ્દામાલ તરીકે જપ્ત કરી કાયદેસરની કાર્યવાહી કરી હતી.
—–
