(વર્તમાન પ્રવાહ ન્યુઝ નેટવર્ક)
દીવ, તા.26: ગત તા.24-08-2022 ના રોજ ગુજરાતી અર્વાચીન સાહિત્યના આદ્યકવિ નર્મદની જન્મજયંતિ તેમજ વિશ્વ ગુજરાતી ભાષા દિવસની ઉજવણી કરવામાં આવી હતી. આ કાર્યક્રમમાં ગુજરાતી વિષયના વિદ્યાર્થીઓએ નર્મદનો જીવન પરિચય તેમજ તેના સાહિત્ય સર્જનમાંથી કેટલીક કૃતિઓ અંકે સુંદર રજૂઆત કરી હતી. આ ઉપરાંત વિશ્વ ગુજરાતી ભાષા દિવસને અનુલક્ષીને વિદ્યાર્થીઓએ ગુજરાતી કવિઓની ઉત્તમ કવિતાઓ, લોકગીતો, ગઝલ વગેરેનું ગાન કરી કાર્યક્રમને સુંદર બનાવ્યો હતો. આ સમગ્ર કાર્યક્રમનું આયોજન ગુજરાતી વિભાગના અધ્યક્ષા ડો.સુશિલા વાઘમસી તેમજ અધ્યાપક ધરવ બારોટે કર્યું હતું. કાર્યક્રમની ભુમિકા તેમજ આભારવિધિ ડો.સુશિલા વાઘમસીએ કરી હતી. આ ઉપરાંત સમાજશાષા વિભાગના અધ્યક્ષા પ્રા.કોકિલાબેન ડાભીએ કાર્યક્રમના અંતેવિદ્યાર્થીઓને સમગ્ર કોલેજ તરફથી નર્મદ જયંતિ તેમજ વિશ્વ ગુજરાતી ભાષા દિવસની શુભેચ્છાઓ પાઠવી હતી. આ કાર્યક્રમમાં કોલેજના કો-ઓર્ડિનેટર ડો.હર્ષદભાઈ ચૌહાણએ પરોક્ષ રીતે સહકાર આપી આ કાર્યક્રમને સુંદર બનાવવા માટે યોગદાન આપ્યું હતું.
