વાપી નગરપાલિકા દ્વારા બાકી મિલકત વેરો વસુલાતનું અભિયાન તેજ કર્યું

બાકી મિલકત વેરાની 16 મિલકત પૈકી 7 મિલકતો પાલિકા વેરા વિભાગે સિલ કરી

(વર્તમાન પ્રવાહ વાપી બ્‍યુરો)
વાપી, તા.26: વાપી નગરપાલિકા દ્વારા બાકી મિલકત વેરાની વસુલાત માટે અભિયાન તેજ કર્યું છે. આજે શુક્રવારે લાખો રૂપિયાનો વેરો બાકી હોય તેવી 16 મિલકતો પૈકી સાત મિલકતોને સિલ મારી દેતા બાકી મિલકત વેરા ધારકોમાં ફફડાટ પ્રસરી જવા પામ્‍યો હતો.
નગરપાલિકાની આવકનો મુખ્‍યસ્ત્રોત મિલકત વેરો છે. ચાલુ નાણાકીય વર્ષે પાલિકાનો વેરો સમયસર ભરપાઈ થાય તે માટે આઝાદીના અમૃત મહોત્‍સવ અંતર્ગત 10 અને 5 ટકા રિબેટની યોજના કાર્યરત કરી હતી. જેનો સારો એવો પ્રતિસાદ પણ સાંપડયો હતો. જાગૃત મિલકત ધારકોએ યોજનાનો લાભ લઈ સમયસર વેરો ભરપાઈ કરી દીધો હતો. પરંતુ અમુક તમુક મિલકત ધારકોનો અંદાજીત રૂા.3.24 લાખનો વેરો બાકી હતો તેવા 16 મિલકત ધારકોને દિન-15માં નોટિસો આપ્‍યા બાદ પણ વેરોનહી ભરવામાં આવતા આજે 7 જેટલી મિલકતો પાલિકાના અધિનિયમ હેઠળ સિલ કરી કાયદેસરની કાર્યવાહી કરી હતી.