(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.10: બનાવની પોલીસ મથકેથી પ્રાપ્ત માહિતી અનુસાર ચીખલી પોલીસ વિસ્તારમાં પેટ્રોલિંગમાં હતી.દરમ્યાન બાતમી મળી હતી કે બારોલીયા વાડી પટેલ ફળીયા વેગણીયા નદી કાંઠે દારૂનો જથ્થો સંતાડેલ છે. જે હકીકત બાતમીના આધારે ચીખલી પોલીસના સ્ટાફે રેડ કરતા પોલીસની રેડ જોઈ સંદીપઉર્ફે પોપડો બાબુ પટેલ (રહે.સુંઠવાડ દિવાન ફળીયા, તા.ચીખલી), કિરણ ઉર્ફે કીલિયો વિનોદ પટેલ (રહે.એંધલ હનુમાન ફળીયા તા.ચીખલી), કેવલ સુરેશ પટેલ (રહે.બારોલીયા માકડીયા ફળીયા તા.ચીખલી) ફરાર થઇ ગયા હતા. બાદમાં પોલીસ વેગણીયા નદી કાંઠે તપાસ કરતા જ્યાંથી વિદેશી દારૂ-ટીન બિયરની નાની મોટી બોટલ નંગ-555 જેની કિં. રૂા.38,920/- તેમજ બે મોટર સાયકલ કિં. રૂા.40,000/- મળી આવતા પોલીસે કુલ્લે રૂા.78,920/- નો મુદ્દામાલ કબ્જે કરી ઉપરોક્ત ત્રણેય આરોપીને પોલીસ ચોપડે વોન્ટેડ જાહેર કરી વધુ તપાસ પીએસઆઇ-એમ.કે.ગામીત કરી રહ્યા છે.
