(વર્તમાન પ્રવાહ વાપી બ્યુરો)
વાપી, તા.14: વાપીની પોદાર ઈન્ટરનેશનલ સ્કૂલમાં ‘શૈક્ષણિક ફિલ્ડટ્રીપ’નું આયોજન કરવામાં આવ્યું હતું. જેના અંતર્ગત ધોરણ 1 થી 5 ના વિદ્યાર્થીઓને સિલવાસા ખાતે આવેલ પારલે-જી ફેક્ટરીની મુલાકાત કરાવવામાં આવી હતી અને ધોરણ 6 થી 9 (6 થી 9)ના વિદ્યાર્થીઓને ધરમપુર સ્થિત મ્યુઝિયમ અને સાઈન્સ સેન્ટરની મુલાકાત કરાવવામાં આવી હતી.
ધોરણ 1 થી 5નાં વિદ્યાર્થીઓએ સિલવાસા સ્થિત પારલે-જી ફેક્ટરીની મુલાકાત દરમ્યાન પારલે-જી ફેક્ટરીની સ્થાપના અને બિસ્કિટની બનાવટ તેમજ વિવિધ પ્રોડક્ટસની વિગતવાર માહિતી પ્રાપ્ત કરી હતી તેમજ ધોરણ 6 થી 9 ના વિદ્યાર્થીઓએ ધરમપુર સ્થિત મ્યુઝિયમ અને સાઈન્સ સેન્ટરની મુલાકાત દરમિયાન વિવિધ ઐતિહાસિક માહિતી પ્રાપ્ત કરી વિજ્ઞાન કેન્દ્રમાં મનોરંજન સાથે વિવિધ વૈજ્ઞાનિક જ્ઞાન પ્રાપ્ત કર્યું હતું.
આ સમગ્ર ટ્રીપ દરમિયાન વિદ્યાર્થીઓએ ખૂબ જઆનંદ અને જ્ઞાન પ્રાપ્ત કર્યુ હતું. આ સમગ્ર કાર્યક્રમ શાળાનાં આચાર્યશ્રી અનુપમ ઉપાધ્યાયનાં નેતૃત્વ હેઠળ કરવામાં આવ્યો હતો.