સમગ્ર ઘટના સીસીટીવીમાં કેદ : એક તસ્કર દુકાનમાંથી
બે દિવસ પહેલા નોકરી છોડી ગયાનું અનુમાન
(વર્તમાન પ્રવાહ વાપી બ્યુરો)
વાપી, તા.06: વાપી નેશનલ હાઈવે મુંબઈ તરફ જતી લેન ઉપર આવેલ કોમ્પલેક્ષમાં કાર્યરત મધર પેટ કેર નામની શોપમાં વિતેલી રાતે તસ્કરો ગ્રીલ તોડી દુકાનમાં પ્રવેશી 50 હજાર ઉપરાંતની રોકડ રકમ ચોરી કરી રાત્રે અંધારામાં ફરાર થઈ ગયા હતા.
ઠંડીની ઋતુમાં તસ્કરોએ પેટ કેર શોપને નિશાન બનાવી હતી. મુંબઈ હાઈવે લાઈન ઉપર આવેલ એક કોમ્પલેક્ષના ભોયતળીયે આવેલ મધર પેટ કેર શોપમાં વિતેલી રાતમાં બારીની ગ્રીલ તોડી દુકાનમાં પ્રવેશ્યા હતા. ત્યારબાદ દુકાનનો ખુણેખુણે ફરીને અંદાજીત 50 હજારની વધુની રોકડ રકમ ચોરી ગયા હતા. આજે સવારે દુકાનની ચોરી અંગેની પોલીસને જાણ કરવામાં આવી હતી. પોલીસે ઘટના સ્થળે પહોંચી પ્રથમ સીસીટીવી કેમેરા ચેક કર્યા હતા. જેમાં બે તસ્કરો ચોરી કરતા નજરે પડી રહ્યા હતા. અનુમાન એ પણ કરાઈ રહ્યું છે કે એક ચોર અગાઉ બે દિવસ માટે શોપમાં નોકરીએ આવ્યો હતો. બાદમાં નોકરી કરી છોડી ગયો હતો. પોલીસે સીસીટીવી ફુટેજને આધારે તસ્કરોને પકડવા ચક્રો ગતિમાન કર્યા છે.
