(વર્તમાન પ્રવાહ ન્યુઝ નેટવર્ક)
સેલવાસ,તા.19: સેલવાસના આમલી સરસ્વતી ચોક નજીક આવેલ દીપ ડેરીમાં કોઈક કારણોસર અચાનક શોર્ટ સર્કિટના કારણે આગ લાગતા દોડધામ મચી જવા પામી હતી.
પ્રાપ્ત વિગત અનુસાર સેલવાસના આમલી સરસ્વતી ચોક નજીક આવેલ દીપ ડેરીમાં શોર્ટ સર્કિટના કારણે લાગી હતી. આગ લાગવાના કારણે દુકાન સંચાલક તાત્કાલિક દુકાનની બહાર દોડી આવ્યા હતા અને ફાયર વિભાગની ટીમને ફોન કરતા ફાયર બ્રિગેડની ટીમ ઘટના સ્થળે પહોંચી હતી. ફાયર બ્રિગેડના જવાનોને અડધા કલાકની ભારે જહેમત બાદ આગ પર કાબૂ મેળવ્યો હતો. આ ઘટનામાં દુકાનમાં રાખવામાં આવેલ રેફ્રિજરેટર અને અન્ય ઈલેક્ટ્રીક ઉપકરણો સાથે ડેરીનો સરસામાન પણ બળીને ખાખ થઈ ગયો હતો.
Previous post