(વર્તમાન પ્રવાહ ન્યુઝ નેટવર્ક)
સેલવાસ,તા.23 : દાદરા નગર હવેલી અને દમણ-દીવના રમતગમત અને યુવા બાબતોના વિભાગ દ્વારા ત્રણ દિવસીય ઓપન લેવલ સ્વિમિંગ અને કેરમ સ્પર્ધા સ્પોર્ટ્સ કોમ્પ્લેક્સ સેલવાસ ખાતે કરવામાં આવ્યું હતું. જેમાં મહિલા અને પુરુષની અલગ અલગ હરીફાઈ રાખવામાં આવી હતી. જેમાં દાદરા નગર હવેલી અને દમણ અને વાપીના ખેલાડીઓએ ભાગ લીધો હતો. સ્વિમિંગમાં પુરુષ અને મહિલા વર્ગના ચાર અલગ અલગ સ્પર્ધા રાખવામાં આવી હતી. જેમાં ફ્રી સ્ટાઈલ, બેક સ્ટ્રોક, બ્રેસ્ટ સ્ટ્રોક અને બટરફલાય જેમાં પ્રથમ, દ્વિતીય અને તૃતીય સ્થાન પ્રાપ્ત કરનાર વિજેતાઓ અને કેરમ સ્પર્ધામાં વિજેતા અને ઉપ વિજેતાઓને સ્પોર્ટ્સ કોમ્પ્લેક્સમાં ટ્રોફી અને પ્રોત્સાહિત ઈનામ આપવામાં આવ્યા હતા.
