રામ ઉર્ફે બુઢા ચિન્નયા ધોત્રે તથા નવિન રમેશ ધોડીની ગેંગ બંધ
મકાનોને ટારગેટ કરતી હતી
(વર્તમાન પ્રવાહ વાપી બ્યુરો)
વાપી, તા.07: વલસાડ જિલ્લા એલ.સી.બી.એ મહારાષ્ટ્રની ધોત્રે ગેંગના બે રીઢા ચોરને ઝડપી પાડીવિવિધ 16 જેટલી ઉમરગામ વિસ્તારમાં થયેલી ચોરીના ભેદ ઉકેલવાની સફળતા મળી છે. તેમજ ચોર આરોપીઓ પાસેથી રોકડ સહિતનો રૂા.10,32,650 નો મુદ્દામાલ પણ પોલીસે જપ્ત કર્યો છે.
એલ.સી.બી.એ ઝડપેલ ધોત્રે ગેંગના રામ ઉર્ફે બુઢા ચિન્નયા ધોત્રે તથા નવિન રમેશ ધોડી ઝડપાયા બાદ પૂછપરછમાં ઉમરગામ વિસ્તારના અનેક ચોરીઓની કબુલાત કરી હતી તે પૈકી ગત તા.02 જાન્યુઆરીએ ઉમરાગમ મમકવાડા વાવર ફળીયામાં રહેતા અરૂણાબેન બચુભાઈ દુબળાને ઘરે સોના ચાંદીના ઘરેણા રૂા.9.50 લાખની મત્તા ચોરી કરી હતી તેમજ ગત ઓગસ્ટમાં ટીંભીના ફલેટમાંથી 31 ઈંચનું ટીવી તથા કરમબેલામાંથી રૂા.1.30 લાખ મત્તાની ચોરી, સોળસુંબામાં અલગ અલગ ચોરીમાં રૂા.5.11 રોકડા, ઉમરગામ ટાઉનમાં રૂા.2.24 લાખની, નારગોલમાં રૂા.1.47 લાખની, ભિલાડ વિસ્તારમાં 2021 થી અત્યાર સુધીમાં રૂા.15.97 લાખની વિવિધ ચોરીઓ રીઢા ચોરોએ કબુલાત કરી હતી. આ ગેંગ બંધ મકાનોને ટારગેટ કરતી હતી તેમજ પરિવારના અન્ય સભ્યો પણ ચોરીઓ કરતા હતા. ગેંગના અન્ય સભ્યો શ્યામ ઉર્ફે સંચા ચિન્નયા, જીતુ શશી દુસાંગે વોન્ટેડ છે. મહારાષ્ટ્રમાં વિવિધ પો.સ્ટે.માં ગુના નોંધાયેલા છે. એલ.સી.બી. પી.આઈ. બારડ, પી.એસ.આઈ. બેરીયા, ભીગરાડીયા અને ટીમે રીઢા ચોર ગેંગનો પર્દાફાશ કર્યોહતો.
