(વર્તમાન પ્રવાહ ન્યુઝ નેટવર્ક)
પારડી, તા.05: વલસાડ જિલ્લાના કપરાડા તાલુકાના એકલેરા બરડા ફળિયા ખાતે રહેતી સારિકા ધર્માભાઈ ખાલીયા (વારલી) ઉ.વ.20 છેલ્લા એક મહિનાથી પારડી તાલુકાના પલસાણા ભંડારવાડ ખાતે આવેલ બાબુભાઈ ગાંડાભાઈ ધો. પટેલની ચીકુવાડીમાં મજૂરી કામ કરી વાડીમાં જ પોતાના અન્ય મજુરો સાથે રહેતી હતી.
આજરોજ વહેલીસવારે આશરે ત્રણેક વાગ્યે આસપાસ કોઈને પણ કહી આવ્યા વિના પોતાના ઉતારાથી નીકળી ચીકુવાડીમાં આવી ચીકુના ઝાડની ડાળી પર દુપટ્ટો બાંધી ગળે ફાસો ખાઈ પોતાનું જીવન ટૂંકાવી દીધું હતું.
મળતી માહિતી મુજબ સારિકા છેલ્લા કેટલાક સમયથી પોતાના પગમાં સોજા આવી જવાની બીમારીથી પીડાતી હતી. આ બીમારીથી કંટાળી આત્મહત્યા કરી હોવાનું પ્રાથમિક ધોરણે જણાઈ રહ્યું છે.
