દમણ ન.પા.ના પ્રમુખ અસ્પી દમણિયા અને ઉપ પ્રમુખ રશ્મિબેન હળપતિએ પોતાના કાર્યકાળના 100 દિવસમાં શહેરની સમસ્યાના નિરાકરણ માટે અંગત રસ લઈ બતાવેલી પોતાની કાર્યનિષ્ઠા
(વર્તમાન પ્રવાહ ન્યુઝ નેટવર્ક)
દમણ, તા.11: દમણ નગરપાલિકાની વર્તમાન ચૂંટાયેલી પાંખે પ્રમુખ શ્રી અસ્પી દમણિયા અને ઉપ પ્રમુખ શ્રીમતી રશ્મિબેન હળપતિના નેતૃત્વમાં રોડના પેચવર્ક સહિતના કામોને અગ્રતા અપાતા લોકોમાં આનંદની લાગણી છવાઈ જવા પામી છે.
દમણ નગરપાલિકાના પ્રમુખ શ્રી અસ્પી દમણિયા અને ઉપ પ્રમુખ શ્રીમતી રશ્મિબેન હળપતિએ 26મી મે, 2023ના રોજ પોતાના અખત્યાર સંભાળેલાના માંડ 100 દિવસમાં શહેરમાં થતાં અનેક કામોમાં પોતાની હાજરી પુરાવી પાલિકા જીવંત હોવાનો અહેસાસ કરાવ્યો છે.
આજે દમણ નગરપાલિકાના વોર્ડ નંબર પાંચમાં સ્ટેટ બેંક ઓફ ઈન્ડિયાથી લઈ જેટી સુધીના રોડના પેચવર્કનું કામ કરાવાતા ગણપતિ મહોત્સવની ઉજવણી માટે મોટી રાહત થવા પામી છે. આ કામમાં દમણ નગરપાલિકાના પ્રમુખ શ્રી અસ્પી દમણિયા અને ઉપ પ્રમુખ શ્રીમતીરશ્મિબેન હળપતિની સાથે પાલિકાના ચીફ ઓફિસર શ્રી સંજામ સિંઘનો પણ મહત્વનો ફાળો રહ્યો હતો. આ પેચવર્ક થવાથી આજુબાજુ વિસ્તારના રહીશો તથા પ્રવાસીઓ માટે પણ રોડની અનુﾗકૂળતા વધવા પામી છે.
