અન્ય વિસ્તારના યુવાન અને મંડળના યુવાનો વચ્ચે બોલાચાલી હૂમલામાં પરિણમી હતી
(વર્તમાન પ્રવાહ વાપી બ્યુરો)
વાપી, તા.17: વલસાડ જિલ્લામાં નવરાત્રી મહોત્સવ ગ્રામ અને શહેરી વિસ્તારમાં ચાલી રહ્યો છે તે અંતર્ગત વલસાડ કૈલાસ રોડ ઉપર શેઠીયા નગરમાં ભય ભંજન દેવ યુવક મંડળ દ્વારા 10મા નવરાત્રી મહોત્સવનું આયોજન કરવામાં આવ્યું છે. આ નવરાત્રી મહોત્સવમાં બીજાનોરતાએ બબાલ થઈ હતી. બહારના યુવાને સ્થાનિક યુવાન ઉપર ચપ્પાથી હુમલો કરતા સીટી પોલીસ ઘટના સ્થળે દોડી ગઈ હતી.
વલસાડના શેઠીયા નગરમાં ચાલી રહેલ નવરાત્રી મહોત્સવમાં બહારથી આવેલ યુવાન અને સ્થાનિક યુવાનો વચ્ચે બોલાચાલી થઈ હતી. મામલો વધુ બગડતા બહારથી આવેલ યુવાન ઉપર ચપ્પાથી હુમલો કર્યો હતો. જેમાં યુવાનના હાથે ઈજા થઈ હતી. ઘટનાની જાણ બાદ સીટી પોલીસ શેઠીયા નગરમાં પહોંચી હતી અને મામલો વધુ વણશે તે પહેલા થાળે પાડયો હતો.