(વર્તમાન પ્રવાહ ન્યુઝ નેટવર્ક)
વલસાડ, તા.01: વિકસિત ભારત સંકલ્પ યાત્રા વલસાડ જિલ્લાના ધરમપુર તાલુકાના આંબોસી ભવઠાણ ગામમાં આવી પહોંચતા સરપંચ પ્રવિણાબેન એચ.મોર્યાએ ગ્રામજનો સાથે રથનું સ્વાગત કરી સરકારની વિવિધ યોજનાઓ વિશે લોકોને માહિતગાર કરી તેનો લાભ લેવા માટે અનુરોધ કર્યો હતો. આરોગ્ય ખાતા દ્વારા ગોઠવાયેલા સ્ટોલ પર ઓપીડીનો 102 ગ્રામજનોએ લાભ લીધો હતો. જ્યારે પીએમ જેએવાય યોજનાનો 2 લોકોએ લાભ લીધો હતો. આ સિવાય એનસીડી સ્ક્રીનીંગ 80, સિકલસેલ તપાસ 14 અને ટીબીની તપાસ 4 ગ્રામજનોએ કરાવી હતી. મેરી કહાની, મેરી જુબાની હેઠળ પીએમ કિસાન સન્માન નિધિ, પીએમ ગરીબ કલ્યાણ અન્ન યોજના, પીએમ જેએવાય અને આઈસીડીએસના લાભાર્થીએ સરકારની ઉપરોક્ત યોજનાના લાભથી જીવનમાં થયેલા ફેરફાર અંગે સાફલ્ય ગાથા વર્ણવી હતી.
