(વર્તમાન પ્રવાહ ન્યુઝ નેટવર્ક)
દીવ, તા.03 : રાજસ્થાન, મધ્યપ્રદેશ અને છત્તિસગઢ, તેલંગાણા અને મિઝોરમ એમ પાંચ રાજ્યોના વિધાનસભાની ગત મહિને ચૂંટણીઓ સંપન્ન થઈ હતી.જેમાં આજે મિઝોરમ સિવાયના ચાર રાજ્યોના પરિણામ આવ્યા હતા. જેમાં રાજસ્થાન, મધ્ય પ્રદેશ અને છત્તિસગઢમાં ભારતીય જનતા પાર્ટીનો પ્રચંડ બહુમતી સાથે વિજય થયો હતો. આ જીતની ખુશીમાં કેન્દ્ર શાસિત પ્રદેશ દીવ ખાતે પણ ભારતીય જનતા પાર્ટી દ્વારા આજે મધ્ય પ્રદેશ, રાજસ્થાન અને છત્તીસગઢમાં ભારતીય જનતા પાર્ટીની પ્રચંડ જીતને લઈને દીવ જિલ્લા ભાજપ પ્રમુખ શ્રી મોહનભાઈ લખમણના નેતૃત્વમાં દીવના બંદર ચોક ખાતે ફટાકડા ફોડી મીઠાઈ ખવડાવીને આનંદ-ઉલ્લાસ સાથે વિજય ઉત્સવ મનાવ્યો હતો. આ પ્રસંગે ભાજપના વિવિધ હોદેદારો, અને મોટી સંખ્યામાં કાર્યકર્તાઓ ઉપસ્થિત રહ્યા હતા.