(વર્તમાન પ્રવાહ ન્યુઝ નેટવર્ક)
દમણ, તા.13 : દાદરા નગર હવેલી અને દમણ-દીવ પ્રદેશ ભાજપના સચિવ અને દમણ જિલ્લા પંચાયત સભ્ય શ્રીમતી ફાલ્ગુનીબેન પટેલે આજે 78મા સ્વતંત્રતા દિવસની ઉજવણી અને ‘હર ઘર તિરંગા’ અભિયાનના ભાગરૂપે સ્વયં સહાયતા સમૂહની વિવિધ ગ્રામ પંચાયતોની બહેનો માટે તેમના વિસ્તારમાં મહેંદી સ્પર્ધાનું આયોજન કરવામાં આવ્યું હતું.
સંઘપ્રદેશના પ્રશાસક શ્રી પ્રફુલભાઈ પટેલની પ્રેરણા અને પ્રદેશ ભાજપ પ્રભારી શ્રી દુષ્યંતભાઈ પટેલ તથા પ્રદેશ ભાજપ અધ્યક્ષ શ્રી દીપેશભાઈ ટંડેલના માર્ગદર્શન હેઠળ આજે દાભેલ તથા ભીમપોર ગામની સ્વયં સહાયતા ગ્રુપની બહેનો માટે મહેંદી સ્પર્ધાનું આયોજન કર્યું હતું.
દાભેલ ગામની મહેંદી સ્પર્ધામાં પ્રથમ સ્થાને શ્રીમતી પૂર્ણિમાબેન, દ્વિતીય સ્થાને શ્રીમતી જીનલબેન અને તૃતિય નંબરે શ્રીમતી નિશાબેન રહ્યા હતા. જ્યારે ભીમપોર ગામમાં પ્રથમ સ્થાને શ્રીમતી ભાવિકાબેન, દ્વિતીય સ્થાને સુશ્રી બીના પટેલ અને તૃતિય નંબરે શ્રીમતી કપિલાબેન રહ્યા હતા. તમામ વિજેતા સ્પર્ધકોને પ્રદેશ ભાજપ સચિવ અને જિ.પં. સભ્ય શ્રીમતી ફાલ્ગુનીબેન પટેલે પુરસ્કૃત કર્યાહતા.
