વાઈસ પ્રેસિડેન્ટ તરીકે સચિન કક્કડ અને સેક્રેટરી તરીકે અલ્પેશ પટેલ વિજેતા
(વર્તમાન પ્રવાહ વાપી બ્યુરો)
વાપી, તા.24: વાપી બાર એસોસિએશનની તાજેતરમાં યોજાયેલી ચૂંટણીમાં પ્રમુખ તરીકે સતિષભાઈ પટેલ સૌથી વધુ મતો મેળવી વિજેતા બન્યા હતા. જ્યારે વાઈસ પ્રેસિડેન્ટ તરીકે સચિન કક્કડ અને સેક્રેટરી તરીકે અલ્પેશ પટેલ, જોઈન્ટ સેક્રેટરી તરીકે હેમલ પંડયા વિજેતા બન્યા હતા.
વાપી બાર એસોસિએશનની સન 2024-25 બે વર્ષની ટર્મ માટેની ચૂંટણી યોજાઈ હતી. બે પેનલ વચ્ચે યોજાયેલ ચૂંટણીમાં સતિષભાઈ પટેલની પેનલ બહુમતિથી વિજેતા બની હતી. ચૂંટણી જીત્યા બાદ વકીલોએ નવા પ્રમુખ સતિષભાઈ પટેલ અને ઉપ પ્રમુખ સચિન કક્કડ, સેક્રેટરી અલ્પેશ પટેલ, જો. સેક્રેટરી હેમલ પંડયાનું ફુલોથી ભવ્ય સ્વાગત કર્યું હતું. નવ નિયુક્તિ પ્રમુખ સતિષભાઈ પટેલએ જણાવ્યું હતું કે, વિજેતા બનવા બદલ હું સર્વે વકીલ મિત્રોનો આભારી છું. વકીલોના પ્રશ્નો અંગે હું હંમેશા ન્યાય અપાવીશ.
