આગળ જતી ટ્રકનું ટાયર નિકળી રાહુલની બાઈકને અથડાતા પાછળથી આવેલ ટ્રક ફરી વળતા ઘટના સ્થળે મોત થયું હતું
(વર્તમાન પ્રવાહ વાપીબ્યુરો)
વાપી, તા.24: વલસાડ હાઈવે ઉપર શનિવારે બપોરે વોલીબોલ સિતારા રાહુલ કાલીયાવાડનું અકસ્માતમાં મોત નિપજ્યું હતું. બાઈક લઈને નવસારી જઈ રહ્યા હતા ત્યારે આગળ જતી ટ્રકનું ટાયર નિકળી બાઈકને અથડાયું હતું. બાઈક સ્લીપ થઈ જતા પાછળ આવતી ટ્રક બાળક ઉપર ફરી વળતા ગમખ્વાર અકસ્માત સર્જાયો હતો.
નવસારી રહેલા જાણીતા વોલીબોલ ખેલાડી રાહુલ કાલીયાવાડ વલસાડ જુજવા ગામે સાસરીમાં આવ્યા હતા. તેમની બાઈક નં.જીજે 21 ડીએ 0926માં પરત નવસારી જઈ રહ્યા હતા ત્યારે આગળ જતી ટ્રકનું સ્પેર ટાયર અચાનક નિકળીને બાઈક સાથે અથડાતા રાહુલની બાઈક સ્લીપ મારી ગઈ હતી. આ ગોજારી ક્ષણે પાછળથી આવતી ટ્રક બાઈક ઉપર ફરી વળતા રાહુલનું ઘટના સ્થળે કમકમાટી ભર્યું મોત નિપજ્યું હતું.
