(વર્તમાન પ્રવાહ ન્યુઝ નેટવર્ક)
દમણ, તા.09 : દમણ જિલ્લા પંચાયતના પ્રમુખ શ્રીમતી જાગૃતિબેન કલ્પેશભાઈ પટેલે પટલારામાં રહેતી જરૂરિયાતમંદ વૃદ્ધ મહિલાને વ્હીલચેરની ભેટ આપી હતી.
પ્રાપ્ત માહિતી પ્રમાણે, પટલારાના બોરિયા તળાવ વિસ્તારમાં રહેતી વૃદ્ધ મહિલા શ્રીમતી દેવલીબેન કેશવભાઈ હળપતિને વૃદ્ધાવસ્થા અને શારીરિક અશક્તતાને કારણે ચાલવામાં તકલીફ પડતી હતી. આ અંગે દમણ જિલ્લા પંચાયતના પ્રમુખ શ્રીમતી જાગૃતિબેન કલ્પેશભાઈ પટેલને જાણ થતાં તેમણે વ્યક્તિગત રીતે વ્હીલચેરની વ્યવસ્થા કરી જરૂરિયાતમંદ વૃદ્ધ મહિલાને ઉપલબ્ધ કરાવી હતી. આ પ્રસંગે દમણ જિલ્લા ભાજપનાપૂર્વ પ્રમુખ શ્રી બાલુભાઈ પટેલ, કિસાન મોરચાના ઉપ પ્રમુખ શ્રી ધનસુખ પટેલ અને દમણ જિલ્લા ભાજપના મંત્રી શ્રી કલ્પેશભાઈ સીતારામ પણ ઉપસ્થિત રહ્યા હતા.
