(વર્તમાન પ્રવાહ ન્યુઝ નેટવર્ક)
વલસાડ, તા.૦૫
વલસાડની મહિલા ઔદ્યોગિક તાલુકા તાલીમ સંસ્થા ખાતે વિવિધ વ્યવસાયોમાં પ્રવેશસત્ર અોગસ્ટ-૨૦૨૧ના પ્રથમ રાઉન્ડ માટે અોનલાઈન https://itiadmission.gujarat.gov.in વેબસાઇટ ઉપર ફોર્મ ભરી જે સંસ્થા ખાતે પ્રવેશ મેળવવા ઇચ્છતા હોય તે સંસ્થા ખાતે રૂ.૫૦/- રજિસ્ટ્રેશન ફી સાથે જરૂરી પ્રમાણપત્રો સહિત રજિસ્ટ્રેશન કરાવવાનું રહેશે. પ્રથમ રાઉન્ડ માટે અોનલાઈન પ્રવેશ ફોર્મ ભરવાનું તા.૦૩/૦૭/૨૦૨૧થી શરૂ કરવામાં આવ્યું છે, જેની છેલ્લી તારીખ ૨૦/૦૭/૨૦૨૧ છે. આ પ્રવેશ ફોર્મ આઈ.ટી.આઈ ખાતે રજીસ્ટર્ડ કરવાની છેલ્લી તારીખ ૨૧/૦૭/૨૦૨૧ને સાંજના ૧૭ઃ૦૦ કલાક સુધી રહેશે. જેનું મેરીટ લીસ્ટ ૨૩/૦૭/૨૦૨૧ના રોજ પ્રસિદ્ધ કરાશે. પ્રવેશવાંચ્છુ ઉમેદવારોને વધુ જાણકારી માટે અૌદ્યોગિક તાલીમ સંસ્થા-મહિલા, લીલાપોર, જુના પુલ પાસે અૌરંગા રોડ, વલસાડનો રૂબરૂ અથવા ફોન નંબર-૦૨૬૩૨-૨૪૦૬૬૭ ઉપર સંપર્ક સાધવા જણાવાયું છે.
