કાર સવાર તમામનો ચમત્કારિક બચાવ : કલાકે સુધી ટ્રાફિક જામ રહ્યો
(વર્તમાન પ્રવાહ વાપી બ્યુરો)
વાપી, તા.22: વલસાડ હાઈવે ઉપર બુધવારે બપોરે પુરઝડપે દોડી રહેલ ઈકો કાર અચાનક પલટી મારી ગઈ હતી. કારમાં સીએનજી ઈંધણ હોવાથી તુરત કારમાં ભિષણ આગ લાગી હતી. ઈકો કારની સ્પીડ એટલી વધારે હતી કે પલટી માર્યા બાદ પંદરથી વીસ ફુટ કાર ધસડાઈ હતી પરંતુ સદનસીબે તમામ કાર સવારોનો ચમત્કારિક બચાવ થયો હતો.
વલસાડ હાઈવે ઉપર પલટી માર્યા બાદ ઈકો કારમાં લાગેલી આગની ઘટનાની જાણ થતા પોલીસ તુરત આવી ગઈ હતી. રોડ ઉપર કાર સળગતા એક તરફનો હાઈવે જામ થઈ ગયો હતો. ફાયર બ્રિગેડ આવી પહોંચ્યા બાદકારની આગ બુઝાવવામાં આવી હતી.
