November 30, 2025
Vartman Pravah
Breaking Newsઉમરગામકપરાડાગુજરાતચીખલીડિસ્ટ્રીકટદેશનવસારીપારડીવલસાડવાપી

ચીખલી તાલુકામાં પ્રાથમિક શિક્ષકો અને આરોગ્‍ય કર્મચારીઓને અડધો એપ્રિલ વિતવા છતાં માર્ચ મહિનાનો પગાર ન થતાં કર્મચારીઓમાં ફેલાયેલી નારાજગી

પગાર માટેના પેસા સોફટવેરમાં એન્‍ટ્રીની માથાકૂટમાં સર્જાયેલી મોકાણ

(વર્તમાન પ્રવાહ ન્‍યુઝ નેટવર્ક)
ચીખલી (વંકાલ), તા.16: ચીખલી તાલુકામાં 176- જેટલી પ્રાથમિક શાળાઓમાં 841-જેટલા શિક્ષકો જ્‍યારે બાર જેટલા આરોગ્‍ય મંદિરોમાં 344 જેટલાનો ફરજ બજાવે છે. આ તમામને માર્ચ મહિનાનો પગાર ન મળતા નારાજગી ફેલાવવા પામી છે. અડધો એપ્રિલ માસ વીતી જવા સાથે માર્ચ મહિનાનો પગાર ન થતાં કર્મચારીઓના વિવિધ લોનના હપ્તા સહિતની ગોઠવણો ખોરવાઈ જવા પામી છે. સામાન્‍ય રીતે મહિનાની 10 તારીખ સુધીમાં પગાર થઈ જતો હોય છે અને તે રીતે કર્મચારીઓએ લોનના હપ્તાની ગોઠવણ કરેલ હોય છે પરંતુ આ વખતે પગારમાં ઘણો વિલંબ થતાં લોનના હપ્તા ચુકી જવા સહિતની નોબત આવી છે.
સરકાર દ્વારા હાલે કેટલાક સમયથી પેસા સોફટવેરના માધ્‍યમથી કર્મચારીઓનો પગાર ચૂકવવામાં આવી રહ્યો છે. આ પેસા સોફટવેરમાં સર્વર ખોટકાવવાના કે અન્‍ય કોઈ કારણોસર જે ઝડપથી સમયસર પગારની એન્‍ટ્રીઓ ન થતા આ મોકાણ સર્જાઈ હોવાનું જાણવા મળ્‍યું હતું. બીજી તરફ આ સ્‍થિતિમાં ગ્રાન્‍ટપણ વિલંબાતા સમયસર કર્મચારીઓને પગાર ચૂકવાઈ શકય ન હોવાની પણ વિગત સાંપડી હતી. સરકાર દ્વારા પેસા સોફટવેર જેવી ટેકનોલોજીનો ઉપયોગ કરાઈ રહ્યો છે પરંતુ આ સોફટવેર સુચાર રીતે ચાલી શકે તેવી વ્‍યવસ્‍થાનો અભાવ જોવા મળી રહ્યો છે. આ ઉપરાંત સોફટવેર ન ચાલે તેવા સમયે કોઈ અન્‍ય વિકલ્‍પ પણ આપવામાં ન આવતા હોય કર્મચારીઓ પાસે રાહ જોવા સિવાયનો કોઈ વિકલ્‍પ રહેતો નથી અને સમયસર પગારના અભાવે કર્મચારીઓએ અનેક મુશ્‍કેલીઓ વેઠવાની નોબત આવી છે.
સામી ચૂંટણીએ જ સરકારી કર્મચારીઓ પગારથી વંચિત સીડીએચઓ ડો.રંગુનવાલાના જણાવ્‍યાનુસાર કર્મચારીઓના પગારના બિલ મુકાઈ ગયેલા છે. પેસા સોફટવેરના થોડા ઈસ્‍યુ હતા એ સમસ્‍યાનું નિરાકરણ થઈ ગયેલ છે. આ વખતે બધાના જ પગાર લેટ થયા છે પરંતુ એક બે દિવસમાં થઈ જશે.

Related posts

વાપીમાં બુધવાર ગોઝારો સાબિત થયો : સ્‍કૂલ બસ અને કારના બે અકસ્‍માતમાં ત્રણ જીંદગી છીનવાઈ

vartmanpravah

વલસાડમાં ટીચર ટેલેન્ટ સર્ચ સિઝન- 5માં 61 શાળા-કોલેજના 350થી વધુ શિક્ષકોએ ભાગ લીધો

vartmanpravah

દાદરા નગર હવેલી જિલ્લા પંચાયત દ્વારા ‘સ્‍વચ્‍છતા હી સેવા’ અભિયાન અંતર્ગત સ્‍વચ્‍છતા રથને રવાના કરાયો

vartmanpravah

કુકેરી ગામે અજાણ્‍યા વાહન ચાલકે અડફેટે લેતા મોટર સાયકલ ચાલક નિવૃત શિક્ષકનું મોત

vartmanpravah

વાપી આર.કે. દેસાઈ કોલેજનું ગૌરવ પ્રો.ડો. જયંતિલાલ બારીસનું આદિવાસી સાહિત્‍ય મંચ દ્વારા સન્‍માન કરાયું

vartmanpravah

વાપી થર્ડફેઝ રોડ ઉપર રીક્ષામાં સ્‍ટંટ કરવો ભારે પડયો : પોલીસે રીક્ષા ચાલક સહિત બેની અટકાયત કરી

vartmanpravah

Leave a Comment