(વર્તમાન પ્રવાહ ન્યુઝ નેટવર્ક)
દીવ, તા.07: સમગ્ર શિક્ષા, શિક્ષા વિભાગ – દીવ દ્વારા ધોરણ – 3 થી 5 ના કુલ 39 શિક્ષકો માટે તારીખ 7/08/ 2024 થી તા. 9/08/2024 એમ ત્રણ દિવસ beyond basic તાલીમ કાર્યક્રમનું આયોજન કરવામાં આવ્યું હતું. આ તાલીમ દરમિયાન જે બાળકો વાર્તા વાંચી શકે છે, તે બાળકો કઈ રીતે સ્વતંત્ર લેખન તરફ આગળ વધે અને કોઈ પણ પાઠ કે કાવ્યનું અર્થગ્રહણ કરી શકે આ ઉપરાંત તેને અનુરૂપ વિદ્યાર્થીઓનું મૂલ્યાંકન કઈ રીતે કરવું તેની તાલીમ વિવિધ પ્રવૃતિઓ દ્વારા આપવામાં આવી હતી. આ તાલીમ કાર્યક્રમમાં રક્ષાબહેન મામતોરા, અર્ચનાબહેન મોર, ચંદુલાલ વાઘેલા, મનીષાાબહેન સોલંકીએ તજજ્ઞ (માસ્ટર્સ ટ્રેનર્સ) તરીકે પોતાની ભૂમિકા નિભાવી હતી. આ તાલીમ કાર્યક્રમમાં દીવ જિલ્લા શિક્ષણ અધિકારી શ્રી આર. કે. સિંઘ, જિલ્લા પંચાયતના એજ્યુકેશન ઓફિસર પિયુષ મારું, આસિસ્ટન્ટ ડીસ્ટ્રીકટ પ્રોજેક્ટ ઓફિસર અરવિંદ સોલંકી, બી. આર. સી. દિવ્યેશ જેઠવા પણ ઉપસ્થિત રહ્યા હતા.
