નાની દમણ કોલેજ રોડ ઉપર પણ ફરી વળેલું પાણીઃ આર.ટી.ઓ. ઓફિસની સામેના રોડ ઉપર પણ પાણી
મંગળવારે પ્રશાસન અને પંચાયતની ટીમે કરેલી કાર્યવાહીથી દાભેલ ચેકપોસ્ટ, ડી-માર્ટ, દર્શન ઍન્ટરપ્રાઈઝિસ સોમનાથ, મગરવાડા વગેરે વિસ્તારોમાં પાણી ભરાવાની સમસ્યા સામે નહીં આવી
(વર્તમાન પ્રવાહ ન્યુઝ નેટવર્ક)
દમણ, તા. ૦૧ઃ દમણમાં ગઈકાલથી પડી રહેલા વરસાદના કારણે આજે મોટી દમણ ઢોલર ખાતે આવેલ ગવર્નમેન્ટ ક્વાટર્સ આગળ પાણી છલોછલ ભરાઈ જવા પામ્યું હતું. ઢોલર ચાર રસ્તા આગળ પણ ગટર ઓવરફલો થતાં રાહદારી અને વાહનચાલકોને ભારે અગવડતાનો સામનો કરવા પડ્યો હતો.
નાની દમણ આર.ટી.ઓ. ઓફિસની સામે રોડ ઉપર પણ પાણી ફરી વળ્યા હતા. પરંતુ વાહનવ્યવહાર યથાવત રહ્ના હતો. કોલેજ રોડ ઉપર જેમ પ્લાઝાની સામે ડ્રેનેજ અોવરફલો થતાં રોડ ઉપર પાણી ફરી વળ્યા હતા. ગઈકાલે પ્રશાસન અને પંચાયતની ટીમે કરેલી કાર્યવાહીના કારણે ડી-માર્ટ, દર્શન ઍન્ટરપ્રાઈઝિસ સોમનાથ, દાભેલ ચેકપોસ્ટ, મગરવાડા વગેરે વિસ્તારોમાં પાણી ભરાવાની સમસ્યા સામે નહીં આવી હતી.