હાલ ઓસ્ટ્રેલિયામાં અભ્યાસ કરતા શશાંકે દુબઈમાં આયોજીત વર્લ્ડ મેન્ટલ સ્પોર્ટ ઓલિમ્પિકમાં ગોલ્ડ મેડલ મેળવ્યો
(વર્તમાન પ્રવાહ વાપી બ્યુરો)
વાપી, તા.13: વાપીમાં વસતા પિતા સુંદરલાલ જૈને અને માતા સંગંતા જૈનનો 22 વર્ષિય પૂત્ર યુવા ગણિત શાષાી શશાંક જૈને 6 અંકની સંખ્યાઓના વર્ગમૂળની ગણતરીમાં નવો વિશ્વ રેકોર્ડ બનાવ્યો છે. 7 નવેમ્બરે શારજાહ યુ.એ.ઈ.માં આયોજીત આંતર રાષ્ટ્રીય 2024 વર્લ્ડ મેન્ટલ સ્પોર્ટ્સ ઓલિમ્પિક 2024માં મેન્ટલ મલ્ટીપ્લિકેશન અને મેન્ટલસ્કવેર રૂટમાં ગોલ્ડ મેડલ અને મેન્ટલ ડિવિઝનમાં બ્રોન્ઝ મેડલ મેળવી વાપી સહિત ભારતનું નામ રોશન કર્યું છે.
યુએઈ શારજાહમાં આયોજીત આંતરરાષ્ટ્રીય સ્પર્ધામાં માત્ર 27:36 સેકન્ડમાં શશાંકે આ સિધ્ધિ હાંસલ કરી હતી. નોંધનીય છે કે, તેનો પોતાનો જ અગાઉનો 61:34 સેકન્ડનો રેકોર્ડ તોડયો હતો. આ ઓલિમ્પિકમાં ભારત સહિત 40 દેશના 150 જેટલા સ્પર્ધકોએ ભાગ લીધો હતો. ઓસ્ટ્રેલીયામાં અભ્યાસ દરમિયાન છુટ્ટી લઈ સ્પર્ધામાં ભાગ લેવા દુબઈ પહોંચ્યો હતો. સ્પર્ધામાં ગોલ્ડ અને સિલ્વર મેડલ મેળવી ભારત આવી વાપીમાં રહેતા માતા-પિતાને સરપ્રાઈઝ આપી હતી. પરિવારે ખુશી વધાવી લીધી હતી. પ્રારંભથી જ માતા-પિતા અભ્યાસ માટે પ્રોત્સાહિત કરતા હતા તેવું શશાંકે જણાવ્યું હતું. શશાંકે 8 અંકની સંખ્યાઓના વર્ગમૂળની ગણતરીમાં 85.69 સેકન્ડમાં બીજો વર્લ્ડ રેકોર્ડ બનાવ્યો છે. વાપીમાં રહેતો જૈન પરિવાર મૂળ રાજસ્થાન ઉદયપુરનો વાપીમાં પિતા પ્રતિષ્ઠિત વેપારી છે. શશાંકે આજના યુગમાં સૌથી ઝડપી માનવ કેલ્ક્યુલેટર તરીકેની નામના મેળવી છે.
