(વર્તમાન પ્રવાહ વાપી બ્યુરો) વાપી, તા.02
ડાભેલ ચેક પોસ્ટ ઉપર ટાઉન પોલીસ રૂટીન વાહન ચેકીંગ કરી રહી હતી તે દરમિયાન દમણ તરફથી આવી રહેલ શંકાસ્પદ ઓડી કાર અટકાવી ચેકીંગ કર્યું હતું. કારમાં 15 હજારનો દારૂનો જથ્થો મળી આવતા કાર સવાર ચાર ઈસમોની અટક કરી હતી. તમામ આરોપી છત્તીસગઢના હોવાનું તપાસમાં બહાર આવ્યું હતું.
પ્રાપ્ત વિગતો અનુસાર ડાભેલ ચેક પોસ્ટથી પોલીસે દમણ તરફથી આવી રહેલ ઓડી કાર નં.એમએચ 04 એફઝેડને અટકાવી ચેકીંગ કર્યું હતું. કારમાં રૂા.15 હજારનો દારૂનો જથ્થો મળી આવ્યોહતો. કારમાં સવાર સુરેશ દેવેન્દ્ર, અભિષેક પવન સચદેવ, મોહીત મહેન્દ્ર પટેલ અને પવન ધર્મદાસ સચદેવની અટક કરી પોલીસે પુછપરછ કરી હતી. આ ચારેય ઈસમો પ્લાયવુડના વેપારી અને રાયગઢ(છત્તીસગઢ)માં રહે છે. દમણ ફરવા આવ્યા હતા. પોલીસે કાર અને દારૂનો મુદ્દામાલ જપ્ત કરી કાયદેસરની કાર્યવાહી કરી હતી.
