(વર્તમાન પ્રવાહ ન્યુઝ નેટવર્ક) દમણ, તા.09
નેહરુ યુવા કેન્દ્ર દમણ દ્વારા બુધવારે સરકારીઆઈટીઆઈ કોલેજ ખાતે યુવા ઓરિએન્ટેશન અને ડીજીટલ નાણાંકીય સાક્ષરતા અંગેની તાલીમનું આયોજન કરવામાં આવ્યું હતું.
ભારત સરકારના યુવા બાબતો અને રમતગમત મંત્રાલયની સ્વાયત્ત સંસ્થા નેહરુ યુવા કેન્દ્ર દમણ દ્વારા આયોજિત કાર્યક્રમમાં સરકારી આઈટીઆઈ કોલેજના વિદ્યાર્થીઓને સરકારી યોજનાઓ અને નાણાંકીય સાક્ષરતા વિશે માહિતી આપવામાં આવી હતી.
કાર્યક્રમ દરમિયાન સરકારી કોલેજના પ્રોફેસર શ્રી ગગન શેખરે વિદ્યાર્થીઓને સરકારની મુખ્ય યોજનાઓ, ઉચ્ચ શિક્ષણ માટેની યોજનાઓ વિશે માહિતી આપી હતી તેમજ તેમને નબળા વર્ગના વિદ્યાર્થીઓ માટે ડીબીટી યોજનાઓ અને શિક્ષણ લોન વિશે જણાવ્યું હતું.
આ કાર્યક્રમમાં ઉપસ્થિત પ્રો. નીરજ ચૌધરીએ વિદ્યાર્થીઓને નાણાંકીય સાક્ષરતા વિશે માહિતી આપી હતી. રાષ્ટ્રીય યુવા સ્વયંસેવકો ધ્રુવ, અવિશેક, તોહા અને નિકિતાએ આ કાર્યક્રમના આયોજનમાં મહત્વની ભૂમિકા ભજવી હતી.