(વર્તમાન પ્રવાહ ન્યુઝ નેટવર્ક) સેલવાસ, તા.19
ભારતીય જનતા પાર્ટી દેશભરમાં સામાજિક ન્યાય પખવાડિયુ મનાવી રહ્યા છે જે અંતર્ગત પોષણ અભિયાન પણ ચલાવી રહ્યા છે. ભારતીય જનતા પાર્ટી દાદરા નગર હવેલી અને દમણ દીવ પ્રદેશ મહિલા મોરચા દ્વારા પ્રદેશના પ્રભારી શ્રીમતી વિજ્યા રાહટકરના દિશાનિર્દેશમાં અને પ્રદેશ પ્રમુખ શ્રી દિપેશભાઈ ટંડેલના માર્ગદર્શનમાં અને પ્રદેશ મહિલા મોરચા પ્રમુખ શ્રીમતી સિમ્પલ કાટેલાની અધ્યક્ષતામાં પ્રદેશમા પોષણ અભિયાન ચલાવી રહ્યા છે. જેના ઉપલક્ષમા નરોલી પંચાયતમા અને અથાલ વિસ્તારમા મહિલા મોરચાની ટીમ દ્વારા કુપોષિત બાળકોને ડ્રાય ફ્રુટ અને અન્ય પોષક ખાદ્ય સામગ્રીની કીટ બનાવી વિતરણ કરવામા આવી હતી.
આ અવસરે પ્રદેશ મહિલા મોરચા ઉપપ્રમુખ જુલી સોલંકી, પ્રદેશની ઉપપ્રમુખ પ્રમિલા ઉપાધ્યાય, મહામંત્રી પુષ્પાબેન પટેલ સહિત મહિલા મોરચાની ટીમ ઉપસ્થિત રહી હતી.