45 બોટલ રોયલ ચેલેંજ વ્હીસ્કી, 329 નીપ ક્રિમ્પી સ્પેશ્યલ વ્હીસ્કી તથા 47 બીરા સ્ટ્રોંગ બિયરના ટીનના જથ્થાનો સમાવેશ
(વર્તમાન પ્રવાહ ન્યુઝ નેટવર્ક) દીવ, તા.15
દીવના એસ.પી. શ્રી અનુજ કુમારના માર્ગદર્શન અને દિશા-નિર્દેશ હેઠળ ફુદમ નજીકથી પોલીસે રૂા.32 હજારના દારૂ-બિયરના જથ્થા અને એક કાર સાથે ચાર આરોપીઓની ધરપકડ કરતા હવે દીવ પોલીસે દારૂની હેરાફેરી ઉપર રોક લગાવવા કમરકસી હોવાનું દેખાય રહ્યું છે.
પ્રાપ્ત માહિતી પ્રમાણે ગઈકાલ રાત્રિના લગભગ 11.ર0 કલાકે દીવ ફૂદમના ફોફરાખાતે રામ વિજયની ફેક્ટરી પાસે એક પાર્ક કરેલી કારમાં 45 બોટલ રોયલ ચેલેંજ વ્હિસ્કી, 329 નીપ (કવોટર),ક્રિમ્પી સ્પેશ્યલ વ્હીસ્કી અને 47 બીરા સ્ટ્રોંગ બિયરના ટીન મળી કુલ રૂા.32 હજારના જથ્થા સાથે એક કાર અને ચાર આરોપીઓની અટક કરવા દીવ પોલીસને સફળતા મળી હતી.
અટકમાં લેવાયેલા આરોપીઓ પૈકી ગુજરાતના સોમનાથ ખાતે દેલવાડામાં રહેતા બુટલેગર સંજયભાઈ લાલજીભાઈ મકવાણાએ પોતાના સાગરીતો (1) વિમલભાઈ શિવાભાઈ રાઠોડ (ઉ.વ.19) (રહે, દેલવાડા-ઉના), (ર) પ્રકાશભાઈ ચિતલભાઈ શિયાળા (ઉ.વ.18) (રહે.અંજાર ઝાંપા-દેલવાડા) અને કલ્પેશભાઈ સવજીભાઈ શિયાળા (ઉ.વ. ર1) (રહે. દરજીસ્ટ્રીટ દેલવાડા) અને (4) મુખ્ય સુત્રધાર સંજયભાઈ લાલજીભાઈ મકવાણા (ઉ.વ.34) (રહે. દેલવાડા)ની અટક કરવા દીવ પોલીસ સફળ રહી છે.
