(વર્તમાન પ્રવાહ ન્યુઝ નેટવર્ક) દમણ,તા.23
એનસીઈઆરટી દ્વારા 23 થી 26 માર્ચ, 2022 દરમિયાન વર્ગ-3 માટે નક્કી કરાયેલ શાળાઓમાં ફાઉન્ડેશનલ લર્નિંગ સ્ટડી-ર0રર હાથ ધરવામાં આવેલ છે જેમાં તમામ રાજ્યો અને કેન્દ્રશાસિત પ્રદેશોને આવરી લેવામાં આવ્યા છે.
આ અવસરે શિક્ષણ સચિવ શ્રીમતી અંકિતા આનંદ અને શિક્ષણ નિર્દેશક શ્રી નિલેશ ગુરવના માર્ગદર્શન હેઠળ સફળ ડ્રાય રન પછી 23 થી 24 માર્ચ, 2022 દરમિયાન દાનહ અને દમણ-દીવનો ફાઉન્ડેશનલ લર્નિંગ સ્ટડી-2022 શરૂ થયો.
ફાઉન્ડેશનલ લર્નિંગ સ્ટડી – 2022 માટે કુલ 141 સરકારી, અનુદાનિત અને ખાનગી શાળાઓની પસંદગી કરવામાં આવી હતી, 141 શાળાઓમાંથી, 98 શાળાઓ દાનહની છે, દમણની 26 શાળાઓ અને દીવની 17 શાળાઓને શોર્ટલિસ્ટ કરવામાં આવી છે. આ ફાઉન્ડેશનલ લર્નિંગ સ્ટડી-2022માં, લગભગ 1410 વિદ્યાર્થીઓનો ફાઉન્ડેશનલ લર્નિંગ સ્ટડી પર અભ્યાસ કરવામાં આવશે.
