શિક્ષણ વિભાગ ઓફિસમાંથી કોઈ રપ હજારનું લેપટોપ તફડાવી ગયું
(વર્તમાન પ્રવાહ વાપી બ્યુરો) વાપી, તા.25
કપરાડા તાલુકા પંચાયત કચેરીમાં આજે શુક્રવારે ધોળે દિવસે ચોરીનો બનાવ બનતા તાલુકા પંચાયતની કચેરી પણ સલામત નથી, તેવી ઘટના ઘટી હતી. કોઈ ચોર ઈસમ શિક્ષણ વિભાગની ઓફિસમાંથી રપ હજારનું લેપટોપ ચોરી ગયાનીફરિયાદ નોંધાઈ છે.
કપરાડા તાલુકા પંચાયત કચેરીમાં મહેકમની ઘટ હોવાથી શિક્ષણ વિભાગના કર્મચારી અન્ય વિભાગમાં ફરજ બજાવતા હોય છે તેથી આજે સુમસામ રહેલી શિક્ષણ ઓફિસમાંથી રપ હજારનું લેપટોપ ચોરી થવા પામ્યું હતું. તેની જાણ જુનિયર ક્લાર્ક તરીકે ફરજ બજાવતા રીયાબેન કાન્તીભાઈ પટેલેને થતા તેમણે અન્ય સ્ટાફને ચોરી થયાની જાણ કરી હતી. આ ચોરીના બનાવની ફરિયાદ કપરાડા પોલીસમાં નોંધાવાઇ હતી. અલબત ધોળા દિવસે થયેલી ચોરી અત્રે એ સુચિત કરી જાય છે કે કચેરીના અન્ય સામાન અને દસ્તાવેજોની સલામતિ કેટલી?
