(વર્તમાન પ્રવાહ ન્યુઝ નેટવર્ક)
સેલવાસ, તા.04: સેલવાસ સચિવાલયની સામે ઈન્ડિયન રેડક્રોસ સોસાયટી દ્વારા સંચાલિત જિલ્લા દિવ્યાંગ પુનર્વસન કેન્દ્રમાં ભણતા દિવ્યાંગ બાળકોને ભણતર સાથે વિવિધ ઈતર પ્રવૃત્તિ શીખવવામાં આવે છે જેના કારણે એમનો આત્મવિશ્વાસ વધે છે અને એમનામાં રહેલ શુષુપ્ત શક્તિને બહાર લાવવાનો પ્રયાસ કરવામાં આવી રહ્યો છે. જેનાથી બાળકોમાં ભણતર સાથે તાલીમ મેળવતા દિવ્યાંગબાળકોએ રક્ષાબંધનનો તહેવાર આવી રહ્યો છે જેના માટે બાળકો પોતાના હાથે કલાત્મક રંગબેરંગી રાખડીઓ બનાવી એને કલેક્ટર કચેરી પરિસરમાં સ્ટોલ લગાવી એનું વેચાણ કરવામાં આવી રહ્યું છે. જેનાથી જે આવક થાય છે તે બાળકોના માટે ઉપયોગમાં લેવામાં આવે છે જેથી પ્રદેશવાસીઓ પણ આ બાળકોના પ્રયાસ દ્વારા બનાવવામાં આવેલ કલાત્મક રાખડીઓની ખરીદી કરે જેનાથી બાળકોને પણ ઉત્સાહ આવશે અને એમને ખુશી થશે કે અમે મહેનત કરી બનાવેલ વસ્તુઓનું વળતર પણ અમને મળે છે.
