‘સ્વચ્છતા હી સેવા’ અંતર્ગત દ્વારા વિવિધ વિસ્તારમાં કરાયેલી સાફ-સફાઈ
(વર્તમાન પ્રવાહ ન્યુઝ નેટવર્ક)
સેલવાસ, તા.20: ગત તા.19મી સપ્ટેમ્બરના સોવારે રખોલી ગ્રામ પંચાયત દ્વારા ‘સ્વચ્છતા હી સેવા’ અંતર્ગત સરપંચ શ્રીમતી ચંદનબેન પટેલના નેતૃત્વમાં સ્વચ્છતા અભિયાન ચલાવવામાં આવ્યું હતું. જેમાં રખોલી પંચાયત માર્કેટ, રખોલી-મધુબન રોડ ત્રણ રસ્તાથી રખોલી ઉંગણપાડા સુધી તથા રખોલી-સાયલી મુખ્ય રોડ પટેલપાડામાં સાફ-સફાઈ કરવામાં આવી હતી. સફાઈ અભિયાન દરમિયાન સફાઈ બાબતે જાગૃતિ લાવવા હેતુ હેમીલ્ટનકંપનીની મુલાકાત લઈ સાફ-સફાઈ રાખવા જાણકારી આપી હતી. આ ઉપરાંત કેટલીક દુકાનોની મુલાકાત કરી પ્રતિબંધિત પ્લાસ્ટિકનો ઉપયોગ કરવા બદલ દંડાત્મક કાર્યવાહી પણ કરવામાં આવી હતી.
આ કાર્યક્રમમાં રખોલી ગ્રામ પંચાયતના સભ્યો, પંચાયતના સેક્રેટરી અને પંચાયતના કર્મચારીઓ સહિત ગ્રામજનો પણ જોડાયા હતા.
દાનહના જિ.પં.ના મુખ્ય કાર્યકારી અધિકારી ડો. અપૂર્વ શર્માના માર્ગદર્શન હેઠળ સ્વચ્છતા કાર્યક્રમનું આયોજન કરવામાં આવ્યું હતું.
