વર્તમાન પ્રવાહ ન્યુઝ નેટવર્ક)
સેલવાસ,તા.10: દાદરા નગરહવેલીના સામરવરણી પંચાયતના આંબાપાડામાં રહેતી અને ટોકરખાડા સેલવાસ ગુજરાતી મીડીયમમાં ભણતી 14વર્ષીય તરુણીએ અગમ્ય કારણસર પોતાના ઘરમાં જ ગળે ફાંસો લગાવી આત્મહત્યા કરી હોવાની માહિતી મળી છે.
પ્રાપ્ત વિગત અનુસાર સામરવરણી આંબાપાડા ખાતે રહેતી 14 વર્ષીય તરુણીએ જે હાલમાં ગુજરાતી મીડીયમ શાળા ટોકરખાડા સેલવાસમાં ધોરણ આઠમા ભણે છે હાલમાં સ્કૂલમાં પ્રથમ સત્રની પરીક્ષા ચાલે છે જેનું પેપર આપી પરત ઘરે ગઈ હતી તે સમયે ઘરમાં કોઈ નહીં હતું ત્યારબાદ ઘરમાં જ અગમ્ય કારણસર ગળે ફાસો ખાઈ આત્મહત્યા કરી લીધી હતી. તરૂણીની માતા જ્યારે ઘરે આવી ને જોયું તો એમની દીકરી ગળે ફાંસો ખાધેલી હાલતમાં જોવા મળી હતી તે જોતા આજુબાજુના લોકોને જાણ કર્યા બાદ પોલીસને પણ જાણ કરવામાં આવી હતી પોલીસની ટીમ આવી લાશનો કબ્જો લઈ પોસ્ટમોર્ટમ(પી.એમ.) માટે શ્રી વિનોબા ભાવે સિવિલ હોસ્ટિલમાં લઈ જવામાં આવી હતી. તરુણીએ કયા કારણસર અગમ્ય પગલુ ભર્યું તે હજી જાણી શકાયું નથી આ અંગેની ફરિયાદ નોંધી વધુ તપાસ સેલવાસ પોલીસ કરી રહી છે.
